ਤਾਜਾ ਖਬਰਾਂ
ਨਵੀਂ ਦਿੱਲੀ- ਅਹਿਮਦਾਬਾਦ ਵਿੱਚ ਹੋਏ ਜਹਾਜ਼ ਹਾਦਸੇ ਤੋਂ ਇੱਕ ਦਿਨ ਬਾਅਦ, ਜਾਂਚ ਵਿੱਚ ਇੱਕ ਵੱਡੀ ਸਫਲਤਾ ਮਿਲੀ ਹੈ। ਗੁਜਰਾਤ ਅੱਤਵਾਦ ਵਿਰੋਧੀ ਦਸਤੇ(ATS) ਨੇ ਹਾਦਸੇ ਵਾਲੀ ਥਾਂ ਤੋਂ ਜਹਾਜ਼ ਦਾ ਡਿਜੀਟਲ ਵੀਡੀਓ ਰਿਕਾਰਡਰ (DVR) ਅਤੇ ਬਲੈਕ ਬਾਕਸ ਬਰਾਮਦ ਹੋਇਆ ਹੈ। ਇਹ ਦੋਵੇਂ ਯੰਤਰ ਹੁਣ ਇਹ ਪਤਾ ਲਗਾਉਣ ਵਿੱਚ ਮਦਦ ਕਰਨਗੇ ਕਿ ਹਾਦਸਾ ਕਿਵੇਂ ਵਾਪਰਿਆ ਹੈ ?
ਦੱਸ ਦੇਈਏ ਕਿ ਇਹ ਹਾਦਸਾ ਏਅਰ ਇੰਡੀਆ ਦੇ ਬੋਇੰਗ 787 ਡ੍ਰੀਮਲਾਈਨਰ ਜਹਾਜ਼ ਦਾ ਸੀ, ਜੋ ਅਹਿਮਦਾਬਾਦ ਹਵਾਈ ਅੱਡੇ ਤੋਂ ਉਡਾਣ ਭਰਦੇ ਹੀ ਨੇੜੇ ਦੀ ਰਿਹਾਇਸ਼ੀ ਇਮਾਰਤ ਨਾਲ ਟਕਰਾ ਗਿਆ ਸੀ। ਇਸ ਭਿਆਨਕ ਹਾਦਸੇ ਵਿੱਚ 297 ਲੋਕਾਂ ਦੀ ਮੌਤ ਹੋ ਗਈ। ਹੁਣ ਮਲਬੇ ਤੋਂ ਮਿਲੇ ਡੀਵੀਆਰ ਅਤੇ ਬਲੈਕ ਬਾਕਸ ਦੀ ਮਦਦ ਨਾਲ, ਇਹ ਪਤਾ ਲੱਗ ਸਕੇਗਾ ਕਿ ਪਿਛਲੇ ਕੁਝ ਮਿੰਟਾਂ ਵਿੱਚ ਜਹਾਜ਼ ਵਿੱਚ ਕੀ ਹੋਇਆ ਸੀ। ਮੌਕੇ 'ਤੇ ਮੌਜੂਦ ਗੁਜਰਾਤ ਏਟੀਐਸ ਦੇ ਇੱਕ ਅਧਿਕਾਰੀ ਨੇ ਕਿਹਾ, "ਸਾਨੂੰ ਮਲਬੇ ਤੋਂ ਇੱਕ ਡੀਵੀਆਰ ਡਿਵਾਈਸ ਮਿਲਿਆ ਹੈ। ਜਲਦੀ ਹੀ ਫੋਰੈਂਸਿਕ ਸਾਇੰਸ ਲੈਬਾਰਟਰੀ ਟੀਮ ਇਸਦੀ ਜਾਂਚ ਕਰੇਗੀ। ਇਹ ਯੰਤਰ ਹਾਦਸੇ ਤੋਂ ਠੀਕ ਪਹਿਲਾਂ ਦੀਆਂ ਘਟਨਾਵਾਂ ਨੂੰ ਸਮਝਣ ਵਿੱਚ ਮਦਦ ਕਰ ਸਕਦਾ ਹੈ।"
DVR ਅਤੇ ਬਲੈਕ ਬਾਕਸ ਕੀ ਹੈ?
DVR ਅਤੇ ਬਲੈਕ ਬਾਕਸ ਦੋਵੇਂ ਡਾਟਾ ਰਿਕਾਰਡਿੰਗ ਯੰਤਰ ਹਨ, ਪਰ ਉਨ੍ਹਾਂ ਦੀ ਭੂਮਿਕਾ ਵੱਖਰੀ ਹੈ।
ਡਿਜੀਟਲ ਵੀਡੀਓ ਰਿਕਾਰਡਰ (DVR): ਆਮ ਤੌਰ 'ਤੇ ਜਹਾਜ਼ ਵਿੱਚ ਲੱਗੇ ਸੁਰੱਖਿਆ ਕੈਮਰਿਆਂ ਦੀ ਵੀਡੀਓ ਰਿਕਾਰਡ ਕਰਦਾ ਹੈ। ਇਸ ਵਿੱਚ ਵਿਜ਼ੂਅਲ ਫੁਟੇਜ ਯਾਨੀ ਹਾਦਸੇ ਤੋਂ ਠੀਕ ਪਹਿਲਾਂ ਜਹਾਜ਼ ਦੇ ਅੰਦਰ ਅਤੇ ਬਾਹਰ ਦਾ ਦ੍ਰਿਸ਼ ਹੁੰਦੇ ਹਨ। ਵੀਡੀਓ ਡੇਟਾ ਹਾਰਡ ਡਰਾਈਵ ਜਾਂ ਕਲਾਉਡ 'ਤੇ ਸੇਵ ਕੀਤਾ ਜਾਂਦਾ ਹੈ।
ਬਲੈਕ ਬਾਕਸ : ਇਸ ਵਿੱਚ ਫਲਾਈਟ ਡੇਟਾ (ਜਿਵੇਂ ਕਿ ਜਹਾਜ਼ ਦੀ ਗਤੀ, ਉਚਾਈ, ਇੰਜਣ ਦੀ ਸ਼ਕਤੀ) ਅਤੇ ਕਾਕਪਿਟ ਗੱਲਬਾਤ (ਪਾਇਲਟਾਂ ਦੀਆਂ ਆਵਾਜ਼ਾਂ) ਸ਼ਾਮਲ ਹਨ। ਇਸਨੂੰ ਬਹੁਤ ਮਜ਼ਬੂਤ ਬਣਾਇਆ ਗਿਆ ਹੈ ਤਾਂ ਜੋ ਇਹ ਭਿਆਨਕ ਹਾਦਸੇ ਵਿੱਚ ਵੀ ਸੁਰੱਖਿਅਤ ਰਹੇ।
ਇਹਨਾਂ ਯੰਤਰਾਂ ਰਾਹੀਂ, ਹਾਦਸੇ ਤੋਂ ਪਹਿਲਾਂ ਪਾਇਲਟ ਅਤੇ ਕੰਟਰੋਲ ਟਾਵਰ ਵਿਚਕਾਰ ਕੀ ਗੱਲਬਾਤ ਹੋਈ ਸੀ? ਕੀ ਕੋਈ ਤਕਨੀਕੀ ਨੁਕਸ ਸੀ ਜਾਂ ਕੋਈ ਹੋਰ ਕਾਰਨ? ਜਹਾਜ਼ ਨੇ ਕਿਵੇਂ ਪ੍ਰਤੀਕਿਰਿਆ ਕੀਤੀ? ਇਹਨਾਂ ਸਾਰੇ ਸਵਾਲਾਂ ਦੇ ਜਵਾਬ ਲੱਭੇ ਜਾ ਸਕਦੇ ਹਨ। ਹੁਣ ਫੋਰੈਂਸਿਕ ਸਾਇੰਸ ਲੈਬਾਰਟਰੀ ਟੀਮ DVR ਅਤੇ ਬਲੈਕ ਬਾਕਸ ਦੇ ਡੇਟਾ ਨੂੰ ਡੀਕੋਡ ਕਰੇਗੀ। ਇਸ ਨਾਲ ਜਲਦੀ ਹੀ ਪਤਾ ਲੱਗ ਸਕਦਾ ਹੈ ਕਿ ਹਾਦਸੇ ਦਾ ਅਸਲ ਕਾਰਨ ਕੀ ਸੀl
Get all latest content delivered to your email a few times a month.
